I pod

Ég keypi mér I pod nýlega, 80 gb, og er búin að hlaða inn á hann um 3.500 færslum.  Ég segi færslum því þetta er ekki bara tónlist, er líka búin að setja eitthvað af DVD, t.d. Secret og teiknimyndir f. börnin.  Einnig hefur farið þarna inn "personal development" safnið mitt, sem inniheldur m.a. svaka flott prógramm með Anthony Robbins, The power to shape your destiny, og þar pikkaði ég upp alveg rosalega flottan punkt til umhugsunar.....

"The quality of your life, is the quality of your evaluation!"

Ég legg þann skilning í þennan "quote" að gæði lífs manns felist í gæðastaðlinum sem maður setur sér.... hvað liggur í þeirri pælingu, jú, mér finnst það t.d. vera það að maður sé góð fyrirmynd, maður rækti sjálfan sig, líkama og sál, maður njóti sólarinnar þegar hún skín, skýjanna þegar þau hrannast upp, sjái birtuna frekar en skuggann eða myrkrið, að maður taki áskorunum, að maður elski sjálfan sig, að maður beri virðingu fyrir öðrum, að maður brosi, að maður samgleðjist, að maður fyrirgefi, að maður leyfi sér að vera frábær, að maður hrósi, að maður elski, að maður standi upp hrasi maður, að maður læri af öðrum, að maður gefi sjálfum sér og öðrum tækifæri, að maður horfi alltaf fram á við, ekki aftur, að maður sé til fyrir sig til að geta gefið af sér til annarra, að maður taki velgengninni þegar hún kemur........... og þá meina ég ÞEGAR!

Athugasemdir

[Magnús Guðjónsson, 2.10.2007 kl. 18:45]

Mikið er  ég sammála  þessum pælingum ykkar  TR,  þetta er  akkúrat  eins og það er  gæðastaðallinn  sem maður setur  sér..  annars  flott síða hjá þér  vinkona  og nú  verð ég auðvitað  að kaupa  mér þennan nýja  Ipod ,  minn  litli  er  orðinn fullur og  það er svo ansi margt sem mig langar að hafa til viðbótar..  ég kaupi bara  einn..

Hafðu það gott  í  austrinu, best  kveðjur úr  sólinni og sandinum í Sahara..

 Magnús G..